Usted está aquí

19.02.2017
Tawka akllarinakukkuna tutamanta shitarka

Mana ima llakikunawan Acuerdo Nacional por el Cambiomanta akllarikuk Paco Moncayo Conocotopi Colegio San Vicente de Paúl yachay wasipi shitarka.  Ashtawan allimanta, ashtawan allikunamanta  shitana, nirka awkaka (r).

Kutin Alianza paismanta akllarikuk Lenin Moreno Universidad Tecnológica Equinoccial hatun yachanawasipi shitankapak chayarka. Tawka payta allikachikkunami “Una sola vuelta” nishpa kaparinakurka. Shitashka hipa Morenoka pankakunata rikuchikurka.

Guayaquilpimi Juan Montalvo yachaywasimanmi partido Social Cristiano-Madera de Guerreromanta akllarikuk Cynthia Viteri  chayarka shitankapak. Kushilla, wakin willachikkunawan pakta, shitashka hipa pankakunata rikuchirka.

Kay yunga kitipillatami  Fuerza Ecuadormanta akllarikuk Abdala Bucaram Pulley shitarka.  Rocafuerte kitipi Facultad de Ingeniería en Sistemas yachayukupi Bucaramka paypak warmiwan, allikachikkunawan pakta shitashpa tykrarka.

Fuerza Compromiso Socialmanta akllarikuk Iván Espinelpash Guayaquilpi Universidad de Especialidades Espíritu Santo yachaywasipi shitarka.

Killu churakunata churakushka, paypak aylluwan pakta kay akllarikukuna shitarka. Kay shitaykunawan mamallaktami mishanka mana may yuyaytantanakuyka, nirka Espinel.

Ña chishipika, Creomanta Guillermo Lasso akllarikukukka guayaquilmanta Unidad Educativa Batalla de Tarqui yachaywasipi shitarka, chayman paypak warmiwan, shinallata paywan katipushakpa akllarikuk Andrés Páezwanpash pakta karka.

Alianza Paísmanta katipushakpa akllarikuk Jorge Glas ishkay pacha chawpi chishipimi shitanka Quitopi, 24 de Mayo yachaywasipi, willachirka kay yuyaytantanakuyka.

Califique esta información
Total votes: 86